Охридска банка Сосиете Женерал формира Клуб на таленти, наменет за сите млади таленти и потенцијали во различни области

Во рамки на годишната стратегија за општествена одговорност, Охридска банка Сосиете Женерал создаде платформа за општествена одговорност наречена, ОБСГ Клуб на таленти, која има за цел да пронаоѓа млади, амбициозни и талентирани лица во различни области и истите финансиски да ги поддржува.

 ОБСГ Клуб на таленти, како концепт, функционира на база на конкурси кои се објавуваат во текот на годината на одредена тема. Сите заинтересирани кои ги исполнуваат условите може да се пријавуваат, а Банката како основач на клубот заедно со однапред дефинирано стручно жири во секоја област, избира финалисти и победник кој е финансиски награден и поддржан од страна на Банката.

Првиот конкурс на Банката беше објавен во Јули 2018 година под наслов - Имаш ли жичка за музика и беше наменет за млади инструменталисти на возраст од 14 - 18 години.
По завршувањето на конкурсот 10 млади инструменталисти беа избрани за финалисти, а од нив двајца го понесоа приматот за Најдобри.

Следниот конкурс на Банката се очекува да биде објавен во средината на 2019  година.